Nau suak leh nau min phuah

Nau suak leh nau min phuah:

Nau suah khit nithum ni zingin nau’ min kiphuak hi. Nau min phuak ding in beh siampi khat samin zuu phihna tawh naumin phuahna kibawl hi. “Zuu pai thei lo, pai thei phalo (ciil) cih bang ahih leh nau cidam theilo hi” cih upna om hi. Nau cidamlo in a om leh “min tuaklo hi” ci-in naumin kilaih kik thei hi.

Taciil pasal ahih leh apu’ min kitap a, numei ahih leh api’ min kitap hi. Amin tapte’ min tawpna tawh nau’ min kipansakin, a min tapte’ nuntakzia tawh kizui in min kiphuak hi. Numeite numei mah min kitapin, pasalte pasal mah min kitap hi. Nau’ min en in amin tapnu amintappa micidam minuamsa, mizawng mi-tagah, gal man saman, etc... a bangci mi cih kigen thei pah hi. Nau suah khit ni a sawt lo in sungh leh pute, sanggamte in nau sian (nau an tawi) ci-in, sa leh an (an lim) innkuan kham ding aminsa ahih kei leh a sialin puak uh hi.

Nu ii lawm numeite (a khangualte) in zong nau etna ci-in tuibuk zatep leh nek theih atuamtuam te puak thei uh hi.